情侶小活動感情世界

拍拖見家長 ,六大必備攻略,教你大增印象分!

拍拖見家長 ,必備攻略,教你大增印象分!

聖誕節、冬至、農曆過年依幾個大日子都開始殺埋身。去到依啲大日子,另一半既父母好多時都會乘機問下呀仔呀囡:「幾時帶你個男朋友/女朋友上黎比我地望兩眼呀?」 所謂避得一時,唔避得一世。醜婦終需見家翁,要面對既總要面對,特別係對方父母已經開左口問,不斷逃避只會令長輩對你印象分大減。 既然逃避唔到,不如勇敢面對,參考以下見家長秘訣,充足準備自己。
present
#1. 查問對方父母喜好, 準備合適既見家長禮物
準備合適既見家長禮物 所謂禮多人不怪,特別係初次見家長,更加要準備好禮物上門,絕不可以兩手空空。作為子女一定會最了解父母,所以一定要問清楚對方父母既喜好,禮物盡可能投其所好。

    • 紅酒

wine

一般然而,紅酒是不錯的選擇,大部分爸爸都是酒類愛好者。但好的紅酒價格不菲,亦非每個人都喜歡。

    • 茶葉,紅茶或咖啡

tea

而茶葉,紅茶或咖啡等就較為大眾化,價錢亦會相對便宜。

    • 花蔘花菇等名貴食材

musroom

如果父母喜歡煮食,或許會喜歡一些花蔘花菇等名貴食材。如果是禮盒套裝,大概約千元也會有不俗的選擇。

    • 食物禮盒

snack box

如果伴侶有兄弟姊妹,可考慮食物禮盒,給蝴蝶酥或曲奇等香口食物。

    • 水果籃

fruit

但若對方父母無任何特別禮物的喜好,那水果籃便是最適合也是最得體的選擇。 但當然,初次見家長,只建議選購一至兩款見面禮便可,不宜過多。畢竟,見過一次後,通常會接二連三,其他的禮物選擇,何不留待下一次見面再送?

#2. 禁門鐘,入屋叫人
door bell
第一,禁門鐘,入屋叫人。雖然每個人都會有自己屋企鎖匙,但今次你係上門拜防,所以記得阻止伴侶拎出鎖匙自己開門,反而係要禁門鐘,由對方屋企人開門。因為門鐘響,可以提示一下屋內人,作好心理準備。 而且,由屋內人開門,你可以即刻微笑打招呼。當打完招呼後,記得簡單咁介紹一下自己,等對方父母知道可以點稱呼你,例如:「叔叔姨姨你好,我係XXX既男朋友 /女朋友,你地叫我XXX就可以嫁喇」

#3. 進屋除鞋, 小行為看習慣
shoes off
曾經有個朋友,佢屋企習慣著鞋進屋,所以冇養成進門除鞋既習慣。有次邀請依位朋友到家玩,佢習慣性地穿著鞋踏進屋,結果父母至今對佢既印象都相當負面。 所以,入屋除鞋,是非常必需的,是一種基本的禮貌。或許伴侶家中都沒有除鞋習慣,但你要做出你應有既禮貌,當對方父母確實不用你脫鞋,方可連鞋進屋,或改穿室內拖鞋。 另外值得注意的是,脫鞋後記得將鞋放置整齊。除鞋後,唔好心急趕住入屋,要記得將鞋擺放好。從細節可以看出一個人的性格。將一雙鞋擺放整整齊齊,會給伴侶父母整潔既感覺。

#4. 食飯前後的禮儀
chat
入屋後一番虛寒問暖,就算好悶,都盡量唔好兩個人關自己係房。相信每個人係自己屋企,好多時都會自己留係間房入面做自己事。但今天你係去拜訪對方父母,經過一段時間傾計後,可能已經冇咩好講,但都盡量盡量留係大廳,唔好兩個人走入房,保持禮貌。

#5. 幫對方父母準備緊晚餐
supper
如果對方父母準備緊晚餐,你可以進入廚房問問有冇幫手既地方,又或者幫手開臺,拎飯碗餐具出廳。就算明知對方父母無需你幫手,都盡可能開口問,或主動幫手,絕不可以視而不見。 而當晚餐開始時,千萬唔好做第一個夾餸菜,要等對方父母起筷後先動筷。而起筷後,可以夾菜給在席的人。次序應為對方父母,才到身邊伴侶,最後才到自己。

#6. 晚餐動筷夾餸菜禮儀
food share
如席間還有其他人,次序即由長輩起,至晚輩。 晚餐後,就算你好快食飽,都記得要留係座位,陪大家傾計,唔好自己離座。依個時候,都可以留意自己飯碗,盡量唔好留有任何飯粒。因為有些長輩會比較著重餐桌禮儀,將飯粒吃盡,以表不會浪費。 當大家都完成晚餐,開始執碗碟時,記得都要幫手收拾,亦可問下對方父母有冇任何可以幫手既地方。就算明知對方父母唔駛你做,都記得多問,多主動幫手。

其實見家長都不外乎注重禮貌、禮貌同禮貌。希望各位見家長時做足以上各點,讓對方父母對你有一個滿意既印象!

👉Like我地既fb page: DatingIn 2 情侶資訊網
👉你的””LIKE””係我地原動力🙇🙇♀
👫 Datingin2 👫 每天給她一個驚喜

留言

Tags:

Leave a Reply

Your email address will not be published. Required fields are marked *