感情世界

點先可以保持愛情新鮮感?避開四大拍拖地雷!

點解拍拖通常拍唔耐?又或者成日都三日一小吵,五日一大吵?繼續睇下文,避開四大拍拖地雷!

1.不懂珍惜


拍拖耐左,好自然感情會昇華,當初愛情既感覺會變左做親情。但好多時,會不自覺咁將對方既好變為理所當然,唔再努力咁去維繫感情。要記住,冇任何人既好係理所當然,要維持一段感情,必需學懂珍惜。

2.不懂給予安全感

好多人有男女朋友之後,身邊異性都仲有一大堆,惹到伴侶妒忌懷疑,感情自然會慢慢變差。當然,並唔係話唔可以有異性朋友,只係要學識給予伴侶安全感。

3.沒主見

無主見唔係話真係太差既一件事,但如果次次你問你既情人「去邊玩?」「去邊食?」佢都只係識講「無所謂」。會令人覺得無放心機去思考,去維繫感情。

4.不考慮對方感受

有部分會將自己太當一回事,反之太不當對方為一回事。特別係情侶嘈交時,永遠覺得自己係岩,自己冇錯。就算自己有錯,都總有藉口幫自己解釋。

如果你拍拖時經常會嘈交,不防諗下自己會唔會中左以上四大拍拖地雷?

留言

Tags:

Leave a Reply

Your email address will not be published. Required fields are marked *