感情世界

符合文中四點既男朋友,就不要輕易放手

好男朋友就不要放手

20歲後的你,已經唔再係初中生,可以再 任性、隨便咁談戀愛。 20歲,要學識帶眼識人,除左愛之外,以下4點亦相當重要!

如果搵到符合文中5點既男朋友,就千奇唔好輕易放手呀!

#1愛自己家人
family
要睇一個人既本性,最方便既途徑就係睇佢對待屋企人既態度。

有d人對自己女朋友態度好好,但對屋企人態度就呼呼喝喝,態度奇差。記住,你依家同男朋友係戀愛中,相處只不過幾個月、或者幾年,佢當然可以好有耐心咁同你相處。但以後呢?相處左幾十年之後呢?當你地之間感情轉為親情之後,佢仲可唔可以待你如初?

所以,要睇男朋友未來會點對待你,最方便既方法就係睇佢點對待屋企人。因為對屋企時,往往係會用最真誠既態度相處。

#2有上進心
career
所謂人窮志不窮,冇人可以決定自己既出身,原生家庭窮或富,係命運,由天注定。但自己未來既路點行,則掌握在自己手中。

有上進心與否與職業性質無關。並唔係所有人都一定係讀書材料,可以做到專業人士。唔同既職業都可以表現出上進心。記得有朋友曾經同筆者埋怨過自己男朋友,覺得佢只係餐廳廚師仔,感覺唔到同佢既將來。 但佢男朋友其實從來都冇放棄過進修,幾年來不斷半工讀,不斷進修烹飪方面知識,閒時亦會自創下新穎菜式。 結果短短幾年間,男朋友已由茶餐廳廚師轉職至5星級酒店大廚,近年亦計劃自資開設西餐廳。

憑住自己既上進心同努力,只要唔放棄,每個人都一定有屬於自己既一片天。而有上進心,更加代表佢願意為你地未來而奮鬥!

#3有共同興趣或話題
interest
如果兩個人冇共同既話題或者興趣,單靠愛依份感覺,又可以維繫幾耐呢? 假如佢鐘意郊外,喜好係行山,但你唔鐘意陽光,偏向靜態活動,鐘意睇下戲睇下書。如果單純因爲愛,你可以陪佢一齊行山,但面對自己完全唔鐘意既野,你有會維持到幾多次?

當然,好難搵到伴侶係大家有一致既喜好,所以更重要既係,大家願意去互相遷就,一齊去發掘唔同樂趣,尋找彼此適應既平衡點。 例如唔鐘意陽光,咁可以去室內體育館打羽毛球或做其他運動,又或者培養大家既共同興趣,如攝影、如旅遊。 願意去遷就,去適應對方步伐,咁既愛情先可以長久維持。

#4愛護你,尊重你
respect
最後亦都係最重要既一點,就係要搵一個識愛護你、尊重你既人。 口講「愛」好簡單,但行為最實際。當你地嘈交時,佢會唔會郁手打你、推撞你?日常生活中,佢會唔會同你溝通,尊重你既意見? 愛可以好盲目,令你忍受男朋友對你既唔尊重。

但記住,20歲後既你,要搵一個以結婚為前題既對象,如男朋友最簡單既尊重愛護都唔識,咁筆者會建議你長痛不如短痛。 人海中,要搵一個你愛既人已經好難,仲要性格好,對你好既就更加難。如果你搵到符合以上4點既男朋友,記得唔好輕易放手呀!

👉Like我地既fb page: DatingIn 2 情侶資訊網
👉你的””LIKE””係我地原動力🙇🙇♀
👫 Datingin2 👫 每天給她一個驚喜

留言

留言

Tags:

Leave a Reply

Your email address will not be published. Required fields are marked *